آنکھ : آنکھ ہدایت بھی ہے کیونکہ آنکھوں سے راستہ نظر آتا ہے اس لیے اس کی تعبیر ہدایت سےدی گئی ۔
2۔ آنکھ فرزند بھی ہے ۔
ربنا ھب لنا من ازواجنا وذریتنا قرۃ اعین اور مال بھی ۔
خواب میں ایک بے عمل اور دنیا دار آدمی خود کو نابینا دیکھے تو راہ ہدایت سے گمراہ ہونے کی دلیل ہے ایک آنکھ اندھی ہونا نصف دین ضائع ہونے کی دلیل ہے اور اگر دیندار آدمی دیکھے تو دنیا سے بے رغبتی کی طرف اشارہ ہے۔ آنکھ میں سفیدی دیکھنا غم ملنے کی طرف اشارہ ہے وابیضت عیناہ من الحزن ۔
آنکھوں کا ضعف دین کے ضعف کی طرف اشارہ ہے ۔
یہ دیکھا کہ کسی نے اس کی آنکھ نکال دی ہے تو فرزند ہاتھ سے نکلنے کی طرف اشارہ ہے ۔
آنکھ سے خون نکلتے دیکھا مال یا فرزند کو نقصان پہنچنے کی طرف اشارہ ہے ۔ حرام مال بھی ہوسکتاہے ۔
گلابی آنکھ فرزند ہے ۔
نیلی آنکھ بد حالی ہے ہے۔ نحشر المجرمین یومئذ زرقا۔ ۔
پوری آنکھ کالی ہونا دیکھے تو متکبر ہونے کی دلیل ہے ۔
آنکھ میں سرمہ لگانا دین کی اصلاح تلاش کرنا ہے ۔
کسی نے سرمہ دیا ہے تو یہ اسی قدر مال ملنے کی دلیل ہے ۔
اگر بیوی حمل سے ہو تو آنکھ میں سرمہ لگانا بیٹی پیدا ہونے کی طرف اشارہ ہوگا کیونکہ عورتیں ہی زیادہ زیب وزینت کرتی ہیں ۔
