نوافل بیٹھ کر پڑھنے کا کیا حکم ہے

سوال: کیا نفل بیٹھ کر پڑھنے سے ثواب میں کمی نہیں آتی ؟

بسم اللہ الرحمٰن الرحیم
الجواب حامداً ومصليا

نوافل کااصل حکم یہ ہےکہ انہیں بلاعذربیٹھ کرناپڑھناجائزہے،تاہم بلاعذربیٹھ کرنوافل پڑھنےوالےکوکھڑے ہوکر پڑھنےوالےکی بنسبت آدھاثواب ملتاہے۔یہ حکم تمام نوافل کاہے،وترکےبعد کی دو رکعت نفلوں کابھی یہی حکم ہے کہ ان کو کھڑےہوکرپڑھنےمیں زیادہ ثواب ہے۔البتہ بعض علماء مثلا:قاضی ثناءاللہ پانی پتی ؒ اورمولاناانورشاہ کشمیریؒ کی رائے یہ ہےکہ کھڑےہوکرپڑھنےمیں زیادہ ثواب ہونےکےباوجود ان نوافل کوبیٹھ کرپڑھنامستحب ہے،کیونکہ نبی کریم ﷺ نےتمام عمریہ دورکعتیں بیٹھ کرہی پڑھی ہیں۔جبکہ دیگرعلماءمثلا: مولانارشیداحمدگنگوہیؒ اورمولانااشرف علی تھانوی ؒ نےکھڑےہوکرپڑھنےکوہی افضل قراردیاہے۔بہرحال آدمی کواختیارہےکہ چاہےتوزیادہ ثواب حاصل کرنے کیلئےیہ نوافل کھڑےہوکرپڑھےاورچاہےتونبی کریم ﷺ عام معمول کی اتباع کی نیت سےبیٹھ کراداکرے۔(ماخذہٗ فتاویٰ محمودیہ بتغییر: 8/ 225)
واضح رہےکہ یہ حکم صرف وترکےبعدکی دو رکعات نوافل کاہے۔ظہریامغرب کی نوافل کاحکم یہ نہیں ہےاوراسکے بارےمیں یہ کہناکہ ان کوبھی نبی کریمﷺ نے‘‘ہمیشہ’’ بیٹھ کراداکیاہے،درست نہیں ہے۔