جس طرح فقہی مسائل کے دنیائے اسلام میں چار مذہب ہیں : فقہ حنفی ، فقہ مالکی ، فقہ شافعی ، فقہ حنبلی، اسی طرح قرآن کریم پڑھنے کے اسلامی دنیا میں مذاہب ہیں ، قرآن کریم پڑھنے کے ویسے تو 14 مذاہب ہیں جو سب کے سب حضور ﷺ سے منقول ہیں لیکن حضور ﷺ سے ثابت قرآن پڑھنے کے دس متواتر طریقوں کو” قراءت عشرہ ” کہاجاتا ہے ۔ قرآن کریم پڑھنے کے یہ انداز نبی پاک ﷺ سے صحابہ رضی اللہ عنہم نے سیکھے اور صحابہ رضی اللہ عنہم سے تابعین نے اور ان سے تبع تابعین نے سیکھے ۔ دوسری صدی کے آخر میں قراءت کے علم پر خوب مضنت ہوئی اور اللہ تعالیٰ نے امت محمدیہ میں ان قراءت کی حفاظت اور تدوین کے لیے بہت سی عبقری شخصیات اور امام پیدا فرمائے ۔
امام نافع مدنی( متوفی 169ھ ) امام ابن کثیر مکی ( متوفی 120ھ) امام حمزہ کوفی ( متوفی 156ھ) امام عاصم کوفی ( متوفی 128ھ) امام کسائی نحوی کوفی (متوفی 189ھ )امام ابن عامر شامی ( متوفی 118ھ) ،امام ابن عمر بصری ( متوفی 154ھ) ،ا ن سات بڑے قراء کی قراءتوں کو قراءت سبعہ کہاجاتا ہے۔ ان کے ساتھ مزید تین بڑے قاریوں امام یعقوب بن اسحاق حضرمی ،ا مام خلف بن ھشام اور امام جعفر کی متواتر قراءتوں کو ملایا جائے تو یہ قراءت نماز میں پڑھی جائے تو نماز درست ہوجاتی ہے ،ان دس کے علاوہ اور کوئی بھی قراءت متواتر نہیں، اس لیے وہ قرآن بھی نہیں اور ان سے نماز بھی درست نہیں ہوتی ۔
قرآن کریم کا یہ معجزہ ہے کہ قرآن کو جس قراءت میں بھی پڑھاجائے مجموعی طور پر مطلب مفہوم ایک ہی نکلتا ہے۔، مفہوم میں بالکل فرق نہیں آتا ۔
