سوال:کیا الٹرا ساؤنڈ میں یہ پوچھنا گناہ ہے کہ لڑکا ہے یا لڑکی؟
جواب:واضح رہے کہ مرد ڈاکٹر سے الٹرا ساؤنڈ کروانا بوقت ضرورت جائز ہے عام حالات میں جائز نہیں؛ کیونکہ اس میں ستر کو چھونا اور دیکھنا لازم آتا ہے۔لہذا صرف جنس معلوم کرنے کے لیے یہ درست نہیں کیونکہ یہ ضرورت کے تحت داخل نہیں ، البتہ اگر طبی ضرورت کی بنا پر الٹراساؤنڈ کروایا تو اسی ضمن میں جنس بھی معلوم کرلی اس میں کوئی حرج نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(۱)ويجوز النظر الي الفرج للخاتن والقابلة والطبيب عند المعالجة و يغض بصره ما استطاع. (عالمگيري:۶/۲۲۰)
وفي الدر المنصور فان خاف الشهوة امتنع نظره الي وجهها الا لحاجة كقاض و شاهد يشهد عليهاوكذا مريد نكاحها و مداواتها وينظر الطبيب الي موضع مرضها بقدر الضرورة (الدر:۵/۳۶۴)
فقط واللہ اعلم
