فتویٰ نمبر:2038
سوال: مفتی صاحب! کیا صرف فرض اور وتر پڑھنے سے عشا کی نماز ہو جاتی ہے؟
والسلام
الجواب حامداو مصلیا
وعلیکم السلام!
فرض اور وتر پڑھنے سے عشا کی نماز کا فرض تو ادا ہو جائےگا،لیکن بلاعذر سنت مؤکدہ نہ پڑھنا اور اس کی عادت بنا لینا سخت گناہ کی بات ہے۔ گناہ کے بھی درجات ہیں۔فرض کو ترک کرنے پر شدید گناہ،ترک واجب پر اس سے کم گناہ اور سنت ترک کر دی جائے تو اس کا گناہ ترک واجب سے کم ہوگا ۔لیکن کسی گناہ کو کم نہیں سمجھنا چاہیے، کیونکہ چنگاری چھوٹی ہو یا بڑی ، ہے تو وہ آگ ہی اور کچھ نہیں پتا چنگاری کب کیا کردے؟
خلاصہ یہ کہ ترک سنت بھی باعث گناہ ہے اور اس سے بھی بچنا چاہیے اور بلاضرورت فرائض اور وتر پر اکتفا نہیں کرنا چاہیے۔
علامہ شامی رحمہ اللہ نےنماز پنجگانہ سے متعلق سنتوں کے ترک کو باعث گناہ قرار دیتے ہوئے یہی بات لکھی ہے:
”ولا شک ان الاثم بعضہ اشد من البعض،فالاثم لتارک المؤکدة اخف منہ لتارک الواجب“ (ردالمحتار:١٧٠/٢)
و اللہ سبحانہ اعلم
قمری تاریخ:٦ ربیع الثانی ٢٠١٨ھ
عیسوی تاریخ:13 دسمبر 2018ء
تصحیح وتصویب:مفتی انس عبد الرحیم
ہمارا فیس بک پیج دیکھیے.
فیس بک:
https://m.facebook.com/suffah1/
ہمارا ٹوئیٹر اکاؤنٹ جوائن کرنے کے لیے نیچے دیے گئے لنک پر کلک کریں.
ٹوئیٹراکاؤنٹ لنک
ہماری ویب سائٹ سے وابستہ رہنے کے لیے کلک کریں:
ہمارے یوٹیوب چینل کو سبسکرائب کرنے کے لیے کلک کریں:
