سوال:حضرت اگر کوئی آدمی نذر مانے کہ چاول کی دیگ پکا کر صدقہ کروں گا تو کیا اس کے گھر کے افراد وہ چاول کھا سکتے ہیں؟
سائل: فرحان خالد
﷽
الجواب حامدا و مصلیا
اگر کوئی آدمی نذر مانے تو اس کے اہل وعیال اس نذر کا کھانا نہیں کھاسکتے۔لہذا مذکورہ صورت میں گھر کے افراد نذر کی دیگ سے کھانا نہیں کھاسکتے۔
کما فی الدرالمختار:2/344،346 ط ایچ۔ ایم ۔ سعید
ویشترط ان یکون الصرف تملیکا لا اباحةکما مر۔۔۔(ولا)الی (من بینهما ولاد)۔۔۔(او)
بینهما(زوجیة)ولو مبانة
کما فی الشامیة:2/346 ط ایچ ۔ ایم ۔ سعید
(قوله والی من بینهما ولاد)ای بینه و بین المدفوع الیه لان منافع الاملاک بینهم
متصلة فلا یتحقق التملیک علی الکمال۔۔۔وکذا کل صدقة واجبةکالفطرۃ والنذر
والکفارات ،اما التطوع فیجوز بل هو اولی کما فی البدایع
واللہ اعلم بالصواب
کتبہ:حسان احمد
نو رمحمد ریسرچ سینٹر
دھوراجی کراچی
