سوال:کیا ٹراوزر یا جینز پینٹ یا شلوار وغیرہ اگر نماز میں ٹخنوں سے نیچے لٹک رہے ہوں تو کیا اسے موڑنا یا اوپر کی طرف چڑھانا اور اڑسنا صحیح ہے یا نہیں ؟اور کتنا اوپر کیا جائے، آدھی پنڈلی تک یا صرف ٹخنوں تک ؟
سائل : طارق محمود
الجواب بعون الملک الوھاب
ٹخنوں سے نیچے پائجامہ یا شلوار وغیرہ لٹکانا ان سخت گناہوں میں سے ہے جن پر جہنم کی وعید آئی ہے. عام حالات میں بھی یہ جائز نہیں ہے اور نماز میں تو اور زیادہ قبیح ہے.
اگر کوئی آدمی اس گناہ کا مرتکب ہوتا ہے، یعنی شلوار پینٹ وغیرہ ٹخنے سے نیچے لٹکا کر پہنتا ہے، لیکن یہ نماز کے وقت پائینچے کو اوپر چڑھا لیتا ہے، تاکہ نماز کے وقت کم از کم گناہ سے بچے اور اس کی نماز اللہ کے یہاں مقبول ہوجائے تو یہ عمل مستحسن ہوگا۔
نصف پنڈلی تک اوپر کرنا چاہیے ورنہ کم از کم ٹخنوں تک تو ضروری ہے.
وعن أبي هريرة – رضي الله عنه – : أن رسول الله – صلى الله عليه وسلم – ، قال : (( لا ينظر الله يوم القيامة إلى من جر إزاره بطرا )) متفق عليه .
وعنه ، عن النبي – صلى الله عليه وسلم – ، قال : (( ما أسفل من الكعبين من الإزار ففي النار )) رواه البخاري .
وعن أبي سعيد الخدري – رضي الله عنه – ، قال : قال رسول الله – صلى الله عليه وسلم – : (( إزرة المسلم إلى نصف الساق ، ولا حرج – أو لا جناح – فيما بينه وبين الكعبين ، فما كان أسفل من الكعبين فهو في النار ، ومن جر إزاره بطرا لم ينظر الله إليه )) رواه أبو داود بإسناد صحيح
وإسبال الإزار والقميص بدعة ينبغي أن يكون الإزار فوق الكعبين إلى نصف الساق وهذا في حق الرجال وأما النساء فيرخين إزارهن أسفل من إزار الرجال ليستر ظهر قدمهن
فتاوى الهندية – (ج 5 / ص 333 دار الفكر)
والله اعلم بالصواب
اہلیہ ڈاکٹر رحمت اللہ
صفہ آن لائن کورسز
18 -7- 2017ء
23 شوال 1438 ھ
