حلال فاؤنڈیشن ایک رفاہی یعنی نان پرافٹ میکنگ ادارہ ہے، جس کا صدر دفتر کراچی میں اور ذیلی دفاتر ملک کے دیگر بڑے شہروں میں واقع ہیں۔ یہ مفتیان کرام کی نگرانی اور فوڈ سائنٹسٹس کے تعاون سے کام کرنے والا واحد ادارہ ہے جس کے نمائندے پاکستان کے تمام صوبوں میں موجود ہیں۔ حلال فاؤنڈیشن حلال معیارات بنانے والے سرکاری ادارے ((P.S.Q.C.A یعنی پاکستان سٹینڈرڈ اینڈکوالٹی کنٹرول اتھارٹی سے رابطے میں ہے اور اس کی اسٹریٹجک پارٹنر شپ کے سلسلے میں ساؤتھ افریقہ، ملائشیا، تھائی لینڈ اور یو کے کی عالمی تنظیموں کے ساتھ بات چیت ہورہی ہے۔
حلال فاؤنڈیشن کا عملہ((S.A.N.H.A یعنی ساؤتھ افریقن نیشنل حلا ل اتھارٹی اورI.H.I) Alliance) یعنی انٹر نیشنل حلال انٹگرٹی الائنس سے تر بیت یافتہ مفتیان ِ کرام کے علاوہ بہترین صلاحیتوں کے حامل پرو فیشنل حضرات پر مشتمل ہے۔ اس کے علاوہ حلال فاؤنڈیشن نے مفتیان ِ کرام پر مشتمل ایک ایساآزاد نگران شریعہ بورڈ ((SHARIAH SUPERVISORY BOARD بھی تشکیل دیا ہے، جس کی سربراہی حضرت مولانا مفتی محمد تقی عثمانی صاحب دامت برکاتہم فر مارہے ہیں۔
کار کردگی
حلال فاؤنڈیشن کے تین بنیادی کام ہیں :
٭آگہی ((Awareness
٭تحقیق(Research )
٭سرٹیفیکیشن (Certification )
انہی تین حوالوں سے اس کی کارکردگی رو افزوں ہے ۔ چیدہ چیدہ تفصیل حسب ذیل ہے :
MOUs کی تفصیل
ان کمپنیوں کے ساتھ ایم او یو سائن کیے گئے ہیں :
DTS Inc جاپان
ڈیپارٹمنٹ آف فوڈ سائنس، یو نیورسٹی آف کراچی حلال سائنس سینٹر ، تھائی لینڈ
FANCA (اسلامک فوڈ اینڈ نیوٹر یشن ، کونسل آف امریکا
واٹر ہارٹ نامی جاپانی کمپنی کی حلال سرٹیفیکیشن
الحمد للہ ! حال ہی میں حلال فاؤنڈیشن نے مشہور جاپانی کمپنی DTSInc نے گلشن اقبال کراچی میں واقع واٹر پلانٹ کے لیے ” حلال فاؤنڈیشن ” سے “حلال سرٹیفیکٹ “حاصل کر لیا ہے ۔ اس پلانٹ پر پینے کا صاف پانی ” واٹر ہارٹ ” کے برانڈ نام سے تیار اور پیک کیاجارہا ہے ۔ صارفین اس کمپنی کے مذکورہ برانڈ کے پانی کو بغیر کسی شک وشبہے کے استعمال کرسکتے ہیں ۔ واضح رہے کہ منرل واٹر بناتے وقت جو منرل پانی میں ڈالے جاتے ہیں ان میں سے بعض ” مشبوہ ” ہوتے ہیں کیونکہ یہ معدنیات سے بھی حاصل ہوتے ہیں اور جانوروں سے بھی۔ اسی وجہ سے منرل واٹر میں حلال وحرام کا مسئلہ آسکتا ہے ، لہذا سو فیصد حلال اجزا کے استعمال کو یقینی بنانے کے کے لیے حلال سر ٹیفیکیشن ضروری ہے ۔
سرٹیفیکیشن کی دعوت
ای میل کے ذریعے کراچی کی کھانے سے متعلقہ 383 کمپنیوں کو حلال سرٹیفیکیشن کی دعوت دی گئی اور توجہ دلائی گئی ۔
فتاویٰ
حلال فاؤنڈیشن سے اب تک انگریزی واردو میں 544 فتاویٰ جات وتحقیقی سوالات کے جوابات جاری کیے جاچکے ہیں ۔ کھانے کی مصنوعات میں استعمال ہونے والی 350 کے قریب اجزائے ترکیبی پت رحقیق مکمل ہوچکی ہے۔
نصابی مواد
حلال فاؤنڈیشن نے شرعی نصاب برائے BC حلال 4 سالہ کیا۔ اس طرح پوری دنیا میں پہلی مرتبہ پاکستان میں گورنمنٹ کالج یونیورسٹی میں BC حلال ڈگری پروگرام کا اجرا کیاگیا ۔ حلال اتھارٹی ، حلال ٹیکنیکل کمیٹی ۔ PSQCA اور PNAC کی مختلف میٹینگز میں شرکت کی اور ایگری کلچر یونیورسٹی فیصل آباد کے ساتھ کئی تحقیقی معاملات میں اشتراک عمل کیا گیا۔
ای نمبرز پر کام
E100 سے E1520 تک ای نمبر ز پر انگریی مواد تیار کیاگیا ہے ۔
اس کے علاوہ متعدد کتابچے بھی تحریر کئے گئے ہیں ۔
آگہی
٭ ملک بھر کے 25 بڑے شہروں میں 60 سے زائد حلال آگہی پروگرامز بھی منعققد کیے گئے ۔
٭کراچی یونیورسٹی ، جامعۃ الرشید میں ٹریننگ کورس منعقد کیے گیے ۔
٭ گورنمنٹ کالج یونیورسٹی فیصل آباد میں بھی ٹریننگ کورس کروائے گئے ۔