دارالعلوم کراچی فتویٰ نمبر:112
کیا فرماتے ہیں علمائے کرام درج ذیل مسائل کے بارے میں کہ:
1: احرام کی حالت میں سگریٹ پینا (اس میں خوشبو ہو یا بدبو)،مین پوری ،گٹکا ،ماوا ،پان پرگ اور چیونگم وغیرہ کھانا کیسا ہے؟ نیز دورانِ طواف ان اشیاء کا استعمال کا کیا حکم ہے؟
2: ایک شخص(اعضائے مخصوصہ میں کھچاؤ کی وجہ سے )انڈروئر پہنے بغیر چل پھر نہیں سکتا بہت زیادہ تکلیف ہوتی ہے ،آیا ایسی صورت میں اس کو احرام کی حالت میں انڈروئیر پہننے کی اجازت ہے؟اگر اجازت نہیں ہے مگر پھر بھی پہن لیا تو اس کا کیا حکم ہے؟
3: احرام کی حالت میں بواسیر ،سلس البول یا دیگر اور کسی عذر کی وجہ سے انڈروئیر پہننے کی اجازت ہے ؟ اگر نہیں تو ایسا شخص کیا کرے ؟اور اگر بغیر عذر کے انڈوئیرپہن لیا تو اس کا کیا حکم ہے؟
برائے مہربانی مدلل جواب عنایت فرما کر ممنون فرمائیں ۔
(برائے مہربانی حضرت استاذ محترم مولانا مفتی محمود اشرف عثمانی صاحب دامت برکاتہم سے تصدیق کروادیں )۔
محمد عادل شیخ ﷽
الجواب حامداً و مصلیاً
1:احرام کی حالت میں چیونگم ،مین پوری ،گٹکا ،ماوا وغیرہ کھانا اور سگریٹ پینا حرام کے منافی نہیں ہے ۔ پان پراگ سے متعلق یہ تفصیل ہے کہ اگر اس میں خوشبو دار چیز مثلاً الائچی یا لونگ نہ ہو یا ہو لیکن خوشبودار اجزاء کم ہوں اور اس کے مقابلے میں غیر خوشبودار اجزاء زیادہ ہوں تو ایسا پان پراگ کھانا فی نفسہ جائز ہے البتہ ایسا پان پراگ جس میں خوشبودار اجزاءکم ہوں اور اس کے مقابلے میں غیر خوشبو دار اجزاء کم ہوں تو اس کا کھانا ممنوع ہے،ایسے کےپان پراگ استعمال کی صورت میں جزاء واجب ہو سکتی ہے(ماخذہ تبویب:1361/98تبصریف)
واضح رہے کہ دورانِ طواف ذکر اللہ میں مشغول رہنا اور دعا مانگنا افضل ہے اس کے دوران کوئی چیز کھانا مکروہ ہے (معلم الحجاج)
نیز طواف کے دوران سیگریٹ پینے کے بارے میں یہ تفصیل ہے کہ سیگریٹ کے اندر چونکہ بدبو اور دھواں ہوتا ہے جس سے لوگوں کو تکلیف ہوتی ہے اور حدیث میں مسجد کے اندر بدبو دار چیزیں کھا کر آنے کی اور لوگوں کو تکلیف پہنچانے کی ممانعت آئی ہے لہذا دوران طواف سیگریٹ پینا جائز نہیں ہے۔
حوالہ جات
1: صحیح البخاری(ص: 172)
عن عبد العزیز قال قیل لانس ما سمعت النبیﷺ یقول فی الثوم فقال من اکل فلا یقربن مسجدنا
2: صحیح البخاری (ص: 210)
عن عامر قال سمعت عبد اللہ بن عمرو یقول قال النبیﷺ المسلم من مسلم المسلمون من لسانہ و یدہ و المھاجر من ھجر ما نھی اللہ عنہ
3: الفتاوی الھندیہ (1/240)
و نوع لیس بطیب بنفسہ و لا فیہ معنی الطیب و لا یصیر طیبا بوجہ ما کلشحم فسواء اکل او دھن او جعل فی شقاق الرجل لا تجب الکفارۃ و نوع لیس بطیب و لکنہ اصل للطیب یستعمل علی وجہ التطیب و یستعمل علی وجہ الدواء کالزبت و الشیرج و یعتبر فیہ الاستعمال فان استعمل استعمال الادھان فی البدن یعطی لہ حکم الطیب،و ان استعمل فی ماکول او شقاق رجل لا یعطی لہ حکم الطیب کذا فی البدائع
2،3: اگر مذکورہ عذر کی وجہ سے نڈروئیر استعمال کر لیا اور ایک دن یا ایک رات کی مقدار پہنا رہا یا پورا عمرہ اسی حالت میں کرلیا تو اس کے ذمہ یا تو ایک دم ہو گا یا تین روزے رکھنا ہوں گے یا چھ مسکینو ں میں سے ہر ایک کو صدقۃالفطر کے برابر صدقہ دینا ہوگا (صدقۃ الفطرکی مقدار پونے دو گندم یا اس کی قیمت ہے) اور اگر ایک دن رات سے کم پہنے رہا تو یا پورا عمرہ انڈروئیر پہنے ہونے کی حالت میں نہ کیا تو صدقہ اختیاری واجب ہو گا یعنی کسی ایک مسکین کو صدقۃ الفطر کی مقدار دینا ہوگا یا ایک روزہ رکھنا ہوگا (ماخذہ تبویب:1429/56تبصریف)
کما فی غنیۃ الناسک (238)
جزاء الجنایات اما دم حتما اذا ارتکب المحظور کاملا بلا عذر ،او صدقۃ حتما اذا ارتکب المحظور ناقصا بلا عذر او علی التخییر بین الصوم و الصدقۃ و الدم اذا ارتکب المحظور کاملا بعذر اود علی التخییر بین الصوم و الصدقۃ اذا ارتکب المحظور ناقصا بلا عذر
فی غنیۃ الناسک(251)
فاذا لیس مخیطا یوما کاملا او لیلۃ کاملۃ فدم(رد) المراد مقدار احدھما فلو لبس من نصف النھار الی نصف اللیل من غیر انفصال او بالعکس لزمہ(رد المحتار) و فی اقل من یوم و لیلۃ صدقۃ کذا فی المتون
حاشیۃ ابن عابدین(2/547)
قولہ (یوما کاملا او لیلۃ) الظاھر ان المراد مقدار احدھما فلو لبس من نصف النھار الی نصف اللیل من غیر انفصال او بالعکس لزمہ دم کما یشیر الیہ قولہ و فی الاقل صدقۃ شرح الباب قولہ(و فی الاقل صدقۃ) ای نصف صاع من بر و شمل الاقل الساعۃ الواحدۃ ای الفلکیۃ و ما دونھا خلافا لما فی خزانۃ الاکمل انہ فی ساعۃ نصف ساع و فی اقل من ساعۃ قبضۃ من بر۔۔۔۔۔۔۔۔۔۔ و اللہ اعلم بالصواب
محمد عبد الھادی عفی عنہ
دارالافتاء جامعہ دارالعلوم کراچی
26/جمادی الثانی /1437
5/اپریل/2016
پی ڈی ایف فائل میں فتویٰ حاصل کرنے کے لیے دیے گئے لنک پر کلک کریں :
https://www.facebook.com/groups/497276240641626/548920562143860/
