سوال: استعمال کے زیورات پر زکوۃ واجب ہے یا نہیں ؟
جواب: جی ہاں ! زیور خواہ استعمال کا ہی کیوں نہ ہو زکوٰۃ واجب ہے ۔ ( یہی امام ابو حنیفہ کا مسلک بھی ہے )
جیساکہ ” مظاہر حق “اور دروس ترمذی” میں ہے :
“ایک دن دو عورتیں رسول کریم ﷺ کی خدمت میں حاضر ہوئیں ان دونوں نے اپنے ہاتھ میں سونے کے کڑے پہنے ہوئے تھے ۔ آپﷺ نے فرمایا کیا تم ان کی زکوٰۃ ادا کرتی ہو ! انہوں نے کہا نہیں تو آپ ﷺ نے فرمایا کیا تم یہ پسند کرتی ہو کہ قیامت کے دن اللہ تمہیں آگ کے دو کڑے پہنائے ؟ انھوں نے عرض کیانہیں ۔ آپﷺ نے فرمایا تو پھر اس کی زکوۃ ادا کیاکرو” ( مظاہر حق :2/201) درس ترمذی :2/453)
