کتے کے بالوں کی پاکی کا حکم

سوال: السلام علیکم ورحمة الله وبركاته!

اگر کتے کے بال کپڑوں پر لگ جائیں، تو نماز پڑھ سکتے ہیں؟ اگر آپ کسی کے گھر میں کام کرتے ہوں اور انکا کتا سارے گھر میں گھومتا ہو تو بال بھی لگ سکتے ہے کپڑوں پر؟

تنقیح: کیا عین جسم مراد ہے؟

جواب تنقیح: جی

الجواب باسم ملھم الصواب

کتا چونکہ نجس العین نہیں ہے،لہذا اگر اس کا جسم کپڑوں کے ساتھ لگ جائے تو کپڑے ناپاک نہیں ہوں گے اور ان کپڑوں میں نماز جائز ہوگی۔البتہ اگر کتے کا جسم گیلا ہو اور اس پر نجاست لگی ہو تو اس صورت میں کپڑے ناپاک ہوجائیں گے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حوالہ جات:-

1۔ ولا خلاف فی نجاسة لحمه وطھارة شعر الخ۔

( الدر المختار:152/1)

2۔الکلب اذا اخذ عضو انسان او ثیابه ان اخذ فی حالة الغضب، لایجب غسله۔۔۔لایتنجس مالم یر البلل سواء کان الکلب راضیاً او غضبان۔

(التاتارخانیة:فصل فی الآثار، 296/1)

3۔اذا نام الکلب علی حصیر المسجد، ان کان یابساً،لایتنجس۔

(فتاوی قاضی خان:فصل فی نجاسة التی تصیب الثوب الخ، 21/1،رشیدیة)

فقط واللہ اعلم بالصواب

7مارچ 2022ء

2شعبان 1443ھ