سوال: کیا فرماتے ہیں علماء دین اس عورت کے بارے میں جسکا شوہر گم ہوجائے بیوی شوہر کا کب انتظار کرے گی ؟
جواب: اسی صورت میں عورت کو چاہیے کہ وہ کسی مسلمان حاکم سے رجوع کرے اور یہ بات ثابت کرے کہ میرا نکاح فلاں شخص سے ہوا تھا۔ اسکے بعد اسکا لاپتہ ہونا ثابت کرے پھر حاکم بھی شوہر کی تلاشی میں رہے اور جب ملنے سے مایوس ہوجائے تو عورت کو چار سال تک مزید انتظار کا حکم رہے اگر ان چار سال میں بھی شوہر نہ ملے چار سال کی مدت کے اختتام کے بعد عورت اپنے شوہر کو مرد ہ تصور کرے پھر ان چار سال کے بعد عورت کو چار ماہ دس دن عدت گزارنے کے بعد دوسرے شوہر سے نکاح کا اختیار ہوگا اور اگر عورت کو زنا یا پھر نان نفقہ کا ڈر ہو تو عدالت چار سال کے بجائے ایک سال کے بعد بھی نکاح ختم کرسکتا ہے ۔ ( فتاویٰ عثمانی :2/452 طبع معارف القرآن” )
