سوال:قرآنی آیات کو رومن میں لکھنے کا حکم کیا ہے جیسے انا للہ وانا الیہ راجعون کو رومن میں inna lilahi winna ilyehe rajioon.. لکھنا۔
جواب:قرآن مجید کو غیر عربی چاہے وہ رومن یا کوئی اور زبان،لکھنا جائز نہیں ،کیونکہ قرآن کے الفاظ کی حفاظت ہم پر فرض ہے بلکہ رسم عثمانی کے علاوہ کسی اور خط میں قرآن لکھنا بھی منع ہے چہ جائیکہ رومن میں لکھا جائے۔ نیز کسی اور زبان میں لکھنے کی صورت میں مخارج کی ادائیگی بھی صحیح نہیں ہو پاتی ،اس لیے جائز نہیں ،البتہ ایک دو آیات کو رومن میں لکھنا ،جن کا تلفظ عوام الناس کی زبان زد عام ہے اس کو لکھنے کی گنجائش ہے ،لیکن بہتر ہے کہ اسے بھی عربی میں ہی لکھا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(۱)وفي الکافي: إن اعتاد بالفارسیة أو أراد أن یکتب مصحفًا بہا یمنع فإن فعل آیة أو آیتین لا، فإن کتب القرآن وتفسیر کل حرف وترجمتہ جاز۔ (فتح القدیر ۱/۸۲۶)
(۲)مَنْ یکتبُ مصحفًا فینبغي أن یُحافِظَ علی الہجاءِ الذي کتبوا بہ تلکَ المصاحفَ ولا یخالِفُہم فیہ ولا یُغَیِّرُ مما کتبوہ شیئًا فانہم کانوا أکثرَ عِلْمًا وأصدقَ قَلْبًا ولسانًا وأعظمَ أمانةً فلا ینبغی أن نَّظُنَّ بأنفسنا استدراکا علیہم․ (اتقان عن البیہقی فی شعب الایمان)
فقط واللہ اعلم
