سوال:السلام علیکم!
سوال یہ ہے کہ جب بچہ پیدا ہوتا ہے تو اسے گھٹی دی جاتی ہے، مطلب گھر کے کسی فرد سے اس بچے کو شہد چٹایا جاتا ہے اور یہ سمجھا جاتا ہے کہ جو بندہ اس بچے کو شہد چٹائے گا بچے کی عادات اس جیسی ہوں گی۔
شریعت میں اس کا کیا حکم ہے وضاحت فرمائیں۔
الجواب باسم ملھم الصواب
وعلیکم السلام!
بلاشبہ تحنیک (گھٹی) کا عمل سنت ہے،البتہ گھٹی دلوانے سے ضروری نہیں کہ نیک بندوں کی صفات بچے میں منتقل،تاہم نیک فال کے طور امید کی جاسکتی ہے کہ بچے کے ایمان واخلاق پر اس کا اچھا اثر پڑے گا۔چنانچہ خود رسول اللہ صلی اللہ علیہ وسلم نے جب حضرت عبد اللہ ابن زبیر رضی اللہ عنہ کی تحنیک کی تھی تو بڑے ہو کر بہت سے کمالات اور فضائل کے مالک بنے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
1۔ “اسماء بنت أبي بكر (في حديث طويل) ثم أتيت به رسول الله صلى الله عليه وسلم فوضعته في حجره، ثم دعا بتمرة فمضغها، ثم تفل في فيه، فكان أول شيء دخل جوفه ريق رسول الله صلى الله عليه وسلم، ثم حنكه بالتمرة، ثم دعا له فبرك عليه”.
(صحيح البخاري:7/ 84)
ترجمہ:
“حضرت اسماء بنت ابی بکر رضی اللہ عنہا سے روایت ہے کہ وہ اپنے صاحب زادے (عبداللہ بن زبیر) کی پیدائش کے بعد انہیں خود بارگاہِ عالی میں لے کر حاضر ہوئیں، رسول اللہ صلی اللہ علیہ وسلم نے کھجور چباکر تحنیک فرمائی، انہیں برکت دی، ان کے لیے دعا فرمائی اور ان کے منہ میں اپنا لعاب ڈالا، خود فرماتی ہیں کہ پہلی چیز جو میرے بچے کے منہ میں گئی وہ رسول اللہ صلی اللہ علیہ وسلم کا لعاب تھا، ان کا نام عبداللہ تجویز کیا گیا”۔
2۔ “عن أبي موسی رضی الله عنه قال ولد لي غـلام، فأتيت به النبي صلی الله عليه وآله وسلم فسماه إبراهيم، فحنکه بتمرة ودعا له بالبرکة ودفعه إلي وکان أکبر ولد أبي موسی”.
(صحیح البخاری: 5/2081)
ترجمہ:
“حضرت ابوموسی رضی اللہ عنہ سے روایت ہے کہ میرے ہاں بچہ پیدا ہوا تو میں اسے نبی صلی اللہ علیہ وسلم کے پاس لایا آپ صلی اللہ علیہ وسلم نے اس کا نام ابراہیم رکھا اور کھجور سے اس کی تحنیک فرمائی، اور اس کے لیے برکت کی دعا فرمائی و اسے مجھے دیا، یہ ابو موسیٰ رضی اللہ عنہ کے سے بڑے بیٹے تھے”۔
3۔ “كان يؤتى بالصّبيان فيبرك عليهم ويحنكهم”.
(صحیح المسلم: 134/662)
ترجمہ:
“رسول اللہ صلَّی اللہ علیہ وسلم کی خدمتِ اقدس میں بچے لائے جاتے، حضور صلی اللہ علیہ وسلم ان کے لیے برکت کی دعا فرماتے اور تحنیک فرماتے”۔
4۔ “وقوله: “ویحنکهم” لیکون أول ما یدخل أجوافهم ما أدخله النبي صلى الله عليه وسلم لا سیما بما مزجه به من ریقه و تفله في فیه”.
(إکمال المعلم للقاضي عیاض،کتاب الطھارۃ، باب حکم بول الطفل الرضیع و کیفیة غسله: 688)
5۔ علامہ عینی رحمہ اللہ فرماتے ہیں:
“والحکمة فیه أنه یتفاؤل له بالإیمان لأن التمر ثمرۃ الشجرۃ التي شبھھا رسول اللہ صلى الله عليه وسلم بالمؤمن، وبحلاوته أیضاً، ولا سیما إذا کان المحنِّك من أھل الفضل والعلماء والصالحین، لأنه یصل إلی جوف المولود من ریقهم ، ألا تریٰ أن رسول اللہ صلى الله عليه وسلم لما حنك عبد الله بن الزبیر حاز من الفضائل والکلمات ما لا یوصف، وکان قارئاً للقرآن، عفیفاً في الإسلام”.
(عمدۃ القاري، کتاب العقیقة، باب تسمیة المولود غداۃ یولد لمن یعق عنه وتحنیکه: 21/125)
فقط-واللہ تعالی اعلم بالصواب
25جمادی الاولی 1443ہ
29 دسمبر2021ء
