سوال:آپ سے مسئلہ پوچھنا تھا کہ اگر شوہر بیوی کو طلاق کا مسئلہ سمجھانے کے لیے اس طرح کہے کہ ” اگر میں تم کو اس طرح کہوں کہ تم کو طلاق تم کو طلاق،تم کو طلاق تو طلاق ہو جائے گی“۔
تو کیا اس طرح طلاق واقع ہوجائے گی؟
جواب: اگر کوئی شخص طلاق کا مسئلہ سمجھاتے ہوئے طلاق کے الفاظ یا جملہ استعمال کرے تو اس سے طلاق واقع نہیں ہوتی۔
چنانچہ فتاوی عثمانی میں ہے:
”اگر کسی اور شخص کے بارے میں آپ یہ نقل کریں کہ فلاں نے اپنی بیوی کو طلاق دے دی ہے،یا طلاق دینے کا شریعت میں یہ حکم ہے،تو اس سے طلاق واقع نہ ہوگی“۔
(فتاوی عثمانی:٣٢١/٢)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(1)”لو کرر مسائل الطلاق بحضرة زوجته،ویقول: انت طالق ولا ینوی لا تطلق،وفی متعلم یکتب ناقلاً من کتاب رجل قال: ثم يقف ویکتب: امراتی طالق،وکلما کتب قرن الکتابة باللفظ بقصد الحکایة لایقع علیه“.
(البحر الرائق شرح کنز الدقائق: ١٨٣/٩)
(2)”لو کرر مسائل الطلاق بحضرتھا، ویقول:فی کل مرة انت طالق لم یقع“.
(الاشباہ والنظائر قدیم مطبع دیوبند:ص/٤٥،جدید زکریا،٩١/١)
(3)”لو کرر مسائل الطلاق بحضرة زوجته، ویقول انت طالق، ولاینوی لاتطلق“.
(البحرالرائق:کوئٹہ،٢٥٨/٣، زکریا،٤٥١/٣)
فقط واللہ اعلم
