سوال: میں نے رمضان کے روزے کی قضا کی نیت سے روزہ رکھا اور مجھے شدید بخار ہوگیا۔ بخار اتنا زیادہ ہوگیا کہ درد اور بے چینی میں میں نے بخار کی دوا کھا لی کیا میرا یہ عمل درست تھا؟
الجواب باسم ملہم الصواب
صورت مسئولہ میں اگر روزے کی حالت میں بخار اتنا شدید ہوگیا تھا کہ روزہ برقرار رکھنے کی صورت میں جان جانے یا ان سخت تکلیف کی وجہ سے عقل زائل ہو جانے کا خطرہ ہوتو پھر روزہ توڑنے درست تھا اس پر کوئی گناہ بھی نہیں ہوگا۔تاہم اس روزے کی قضا باقی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات:
1۔وقد ذكر المصنف منها خمسة، وبقي الإكراه وخوف هلاك أو نقصان عقل ولو بعطش أو جوع شديد ولسعة حية (لمسافر) سفراً شرعياً ولو بمعصية (أو حامل أو مرضع) أما كانت أو ظئراً على ظاهر (خافت بغلبة الظن على نفسها أو ولدها) وقيده البهنسي تبعاً لابن الكمال بما إذا تعينت للإرضاع (أو مريض خاف الزيادة) لمرضه وصحيح خاف المرض، وخادمة خافت الضعف بغلبة الظن بأمارة أو تجربة أو بأخبار طبيب حاذق مسلم مستور … (الفطر) يوم العذر إلا السفر كما سيجيء، (وقضوا) لزوماً (ما قدروا بلا فدية و) بلا (ولاء)؛ لأنه على التراخي، ولذا جاز التطوع قبله بخلاف قضاء الصلاة
(فتاوی شامیہ: ج 2، ص 421)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔شدید بخار میں روزہ افطار کرنے کی اجازت ہے یا نہیں؟
اگر خوف ہلاکت یا زوال عقل ہوتو ایسی حالت میں افطار کرنا درست لکھا ہے اور نیز اگر کسی طرح وہ روزہ پورا نہیں کرسکتا اور عاجز ہےتو بھی افطار کرسکتا ہے۔
(فتاوی دارالعلوم دیوبند: ج6، ص 545)
2۔بیمارسے جو روزے فوت ہوئے ہوں ان کی قضا بعد میں رکھنا ضروری ہے۔
(فتاوی دارالعلوم دیوبند: ج 6، ص541)
——————————
واللہ اعلم بالصواب
7دسمبر2023
23جمادی الاول 1445
