سوال:اگر وتر کی نماز میں سورت ملک پڑھ لی توکیا عشاء کے بعد دوبارہ سورت ملک پڑھیں گے؟
جواب: سورت ملک کے جو فضائل احادیث میں وارد ہوئے ہیں ان میں سے بعض احادیث میں تو وقت کی تخصیص نہیں جبکہ بعض میں رات سونے سے پہلے پڑھنے کا ذکر ہے ،لیکن حدیث کے الفاظ سے اندازہ یہ ہوتا کہ سونے سے پہلے پڑھنا یہ اس کا آخری وقت ہے یعنی رات کو کسی بھی وقت پڑھنا کافی ہے اور نہ پڑھ سکا ہو تو سونے سے پہلے تو پڑھ ہی لے ۔
بہرحال سوال میں مذکور صورت میں وتر یا عشا کی سنتوں میں کوئی سورہ ملک پڑھ لیا کرے تو اس سے بھی اس کی فضلیت حاصل ہوجائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
’’(۱) حدثنا هريم بن مسعر، قال: حدثنا الفضيل بن عياض، عن ليث، عن أبي الزبير، عن جابر أن النبي صلى الله عليه وسلم كان لاينام حتى يقرأ الم تنزيل، وتبارك الذي بيده الملك‘‘.سنن الترمذي ت بشار:۵/ ۱۵)
(۲)عن أبي هريرة عن رسول الله صلى الله عليه وسلم قال: «إن سورةً في القرآن ثلاثين آيةً شفعت لصاحبها حتى غفر له: تبارك الذي بيده الملك». تفسير ابن كثير ط العلمية:۸/ ۱۹۵)
فقط واللہ علم
