وضو میں آنکھوں کے میل کا حکم

 سوال:میری آنکھوں میں تکلیف ہے جس سے بسا اوقات کناروں  پر سفید میل جم  جاتا ہے  ،سوال یہ ہے کہ وضو کرتے وقت اسے پورا صاف کرنا ضروری ہے یا اس کے اوپر سے ہی پانی بہانا کافی ہے؟                     

            سائل:فہد خان

﷽

الجواب حامداومصلیا

مذکورہ صورت میں  وضو کرتے وقت آنکھوں کے کنارے پر جمی ہوئی اس میل کو جو آنکھوں کو نرمی سے بند کرنے پر  آنکھوں سے باہر نظر آئےاسکوصاف کرنا واجب ہے ،صرف اوپر سے  پانی بہانا کافی نہیں۔البتہ وہ میل جو  نرمی سے آنکھ بندھ کرنے پر آنکھ کے باہر  نظر نہ آئے اس کو صاف کرنا ضروری نہیں۔

فی رد المختار (1/219)

لو رمدت عینه فرمصت یجب ایصال الماء تحت الرمص ان بقی خارجاً بتغمیص العین والا فلا۔

وفی الهندیة(1/5)                      

ولو رمدت عینه فرمصت یجب ایصال الماء تحت الرمص ان بقی خارجاً بتغمیض العین والا فلا کذا فی الزاهدی

       واللہ اعلم

        کتبہ:حسان احمد

     نور محمد ریسرچ سینٹر

15محرم المحرام1441ھ

15 ستمبر2019