السلام علیکم ورحمۃ اللہ وبرکاتہ!
عقیقے کے گوشت کی تقسیم کیا ہوتی ہے؟
الجواب باسم ملھم الصواب
عقیقے کےگوشت کا حکم قربانی کے گوشت کی طرح ہے،سارا گوشت خود بھی کھایا جاسکتا ہے،ہدیہ بھی کیا جاسکتا ہے اور سارا صدقہ بھی کر سکتے ہیں ،لیکن مستحب طریقہ یہ ہے گوشت کے تین حصے کیے جائیں ،ایک حصہ اپنے لیے اور گھر والوں کے لیے،دوسرا حصہ رشتے داروں پر اور تیسرا حصہ غرباء میں تقسیم کردیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔و یأکل من لحم الأضحیۃ و یؤکل غنیا لأقربائہ و أصدقائہ ویدخر وندب أن لا ینقص التصدق عن الثلث۔(الدر المختار :6/328،سعید)
2۔و فی الشامیہ:قولہ :ندب،قال فی البدائع” والأفضل أن یتصدق بالثلث ویتخذ الثلث ضیافة لأقربائہ وأصدقائہ ویدّخر الثلث۔۔۔۔ ولو حبس الکل لنفسہ جاز، لان القربۃ فی الاراقۃ والتصدق باللحم تطوع“رد المحتار: کتاب الأضحیة، 6/ 328 ط: دار الفکر)
و اللہ سبحانہ اعلم
قمری تاریخ27/جمادی الثانی /۱۴۴۴ھ
شمسی تاریخ:20/جنوری/2023ء
