سوال : مسجد میں جب اذان ہورہی ہو اس وقت بیت الخلاء جاسکتے ہیں؟؟
الجواب باسم ملھم الصواب
بہتریہی ہے کہ اذان کے دوران بیت الخلاء نہ جائیں اور باہر رہ کر اذان سنیں اور اس کا جواب دیں، تاہم ایسا کرنا ممنوع یا ناجائز نہیں ، بالخصوص اس وقت جب کہ تقاضا شدید نوعیت کا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات:
1 ۔ ” ولا ينبغي أن يتكلم السامع في حال الأذان والإقامة، ولا يشتغل بقراءة القرآن، ولا بشيء من الأعمال سوى الإجابة، ولو كان في القراءة ينبغي أن يقطع ويشتغل بالاستماع والإجابة “۔
(بدائع الصنائع : 155/1 ، دار الكتب العلمیہ )۔
2 ۔ سوال :کیا اذان کے وقت بیت الخلاء جاسکتے ہیں؟
جواب : اگر ضرورت زیادہ ہو تو فورا پوری کرے،اور اگر سخت ضرورت نہیں تو بہتر ہےکہ بعد اذان پوری کرے۔
(فتاوی دارالعلوم دیوبند: 98/1)۔
والله أعلم بالصواب۔
1 جمادی الثانی 1444
25 دسمبر 2022۔
