سوال :اس مسئلہ کے بارے میں رہنمائی فرمائیں کہ ایک مسافر مقیم امام کے پیچھے چار رکعت والی نماز میں شریک ہو اور وہ اس مسئلے سے لاعلمی کی وجہ سے دو رکعت امام کے پیچھے پڑھ کر سلام پھیر لے ۔ تو آیا وہ مذکورہ صورت میں کتنی رکعت کا اعادہ کرے گا دو کا یا چار کا؟
سائل: محمد خالد
﷽
الجواب حامدا و مصلیا
اگر مسافر مقتدی مقیم امام کے پیچھے چار رکعت والی نماز میں اقتداء کرے اور دو رکعت پر سلام پھیردے تو اس کی نماز فاسد ہو جائے گی؛ کیوں کہ اقتداء کی وجہ سے مسافر مقتدی پر چار رکعت پڑھنا لازم تھی، جس کو پورا نہ کرنے کی وجہ سے نماز فاسد ہو گئی، اس نماز کا اعادہ لازم ہے ۔
اب اگر مسافر اسی نماز میں مقیم امام کی دوبارہ اقتداء کرتا ہے تو اس کو پوری چار رکعت پڑھنی ہوگی، اور اگر وہ اکیلے یا کسی مسافر امام کی قتداء میں اعادہ کرتا ہے تو پھر دو رکعت پڑھے گا۔
الفتاوى الهندية (1/ 142)
وإن اقتدى مسافر بمقيم أتم أربعا وإن أفسده يصلي ركعتين۔
الدر المختار وحاشية ابن عابدين (رد المحتار) (2/ 130)
وأما اقتداء المسافر بالمقيم فيصح في الوقت ويتم (قوله فيصح في الوقت ويتم) أي سواء بقي الوقت أو خرج قبل إتمامها لتغير فرضه بالتبعية لاتصال المغير بالسبب وهو الوقت، ولو أفسده صلى ركعتين لزوال المغير۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واللہ سبحانہ وتعالی اعلم
احقرعمیراحمد عفی عنہ
نور محمد ریسرچ سینٹر
دھوراجی کراچی ربیع الثانی 144129
دسمبر 201927
