سوال: آج کل جو پینٹ رائج ہے اس میں نماز کے دوران نمازی کو بار بار ہاتھوں سے اپنی شرٹ کو نیچے کی طرف کھینچنا پڑتا ہے تو کیا اس طرح نماز میں کوئی خلل واقع ہوگا یا نہیں ؟ لیکن دوسری مشکل یہ ہے کہ اس میں سجدہ کی حالت میں اچھا خاصا ستر کھل جاتا ہے جو پورے سجدے یا رکوع میں کھلا رہتا ہے۔آیا اس طرح اس کی نماز فاسد ہوگی یا نہیں ؟
2۔کیا اس قسم کے لباس میں نماز پڑھنے سے کوئی خرابی لازم آتی ہے ؟
جواب : نماز میں بغیر ضرورت کے اپنے ہاتھوں کے استعمال کرنے سے نماز مکروہ ہوجاتی ہے اگر ایک رکن کے برابر وقت میں تین بار مسلسل یہ عمل کیا تو عمل کثیر ہونے کی وجہ سے نماز فاسد ہوجائے گی ( عمل کثیر ہر اس عمل کو کہتے ہیں کہ دور سے دیکھنے والا یہ سمجھے کہ یہ شخص نماز میں نہیں ہے )
2۔ایسا لباس پہن کر نماز پڑھنا کہ اعضائے مستورہ میں سے کسی عضو کا چوتھائی حصہ پورے رکن کی مقدار تین دفعہ سبحان ربی الاعلیٰ کہنے کی (مقدار) تک کھلا رہے تو اس سے نماز فاسد ہوجاتی ہے ۔
جان بوجھ کر ایسے لباس میں نماز پڑھنا کہ جس لباس میں نماز پڑھنے سے ستر کھل جاتا ہو ایسے لباس کو پہن کر نماز پڑھنا جائز ہی نہیں ۔ (شامی،احسن الفتاویٰ )
