پیشاب والی جگہ سے رحم میں دوائی ڈالنے سے غسل کا حکم

سوال:ایک عورت کے رحم میں دوا پہنچانے  کے لیے سرنج نما ایک چیز استعمال کی جاتی ہے آیا کہ پیشاب والی جگہ سے رحم میں اگر دوائی پہنچائی جائے تو غسل ضروری ہوگا یا نہیں کیونکہ وہ دوائی روزانہ پہنچانی ہوتی ہے؟

                                                                                                         سائل:جبیر خان

﷽

الجواب حامداومصلیا

            پیشاب والی جگہ سے رحم میں دوا  ڈالنے کی وجہ سے غسل واجب نہیں ہوتا۔لہذا مذکورہ صورت میں خاتون پر غسل واجب نہیں ہوگا۔

الدر المختار وحاشية ابن عابدين (رد المحتار) (1/ 166)

ولا(یفرض الغسل إدخال إصبع ونحوه)….. (في الدبر أو القبل) على المختار

فتاوی دار العلوم دیوبند جلد 1صفحہ نمبر: 135

 “سوال : اگر ادخال اصبع یا اصبعین دو تین مرتبہ ڈالنا بغرض دوا لگانے کے کرے تو مد خولہ پر غسل واجب ہوگا یا نہیں؟

جواب:اس سے غسل واجب نہیں ہوتا “

                                                            واللہ اعلم بالصواب

کتبہ: حسان احمد عفی عنہ

نور محمد ریسرچ سینٹر

دھورا جی کراچی

1441/5/30

2020/1/26