دارالعلوم کراچی فتویٰ نمبر:114
السلام علیکم درجہ ذیل مسائل کا شرعی حل مطلوب ہے۔
1: غیر اسلامی بینک سے حاصل ہونے والے سود کو رفاہی کاموں میں صَرف کیا جاسکتا ہےیا نہیں؟
2: زید خود مستحق زکاۃ ہے تو کیا زید خود کے اکاؤنٹ سے حاصل شدہ سود کو اپنے استعمال میں لا سکتا ہےیا دوسرے فقراء پرتصدق لازم ہے؟نیزکیا زید اس سود کواپنی بیوی یا اپنے اصول و فروغ پرتصدق کر سکتا ہے؟
3: عمر متشرع شخص ہےاس پر تجارت کرتے کرتے چھ لاکھ روپوں کا قرض ہو گیا قرض خواہ مطالبہ کرتے رہتے ہیں نیز عمر کے دو شادی شدہ بھائیوں کی ذمہ داری بھی اسی پر ہے۔عمر کو کوئی قرضِ حسنہ بھی نہیں مل رہا اور اس کو کوئی زکاۃ بھی نہیں دے رہا۔عمر پریشان حال ہے تو کیا اس صورت حال میں عمر کو بقدر ضرورت سودی لون لینا جائز ہوگا؟
مفصل جوابات مرحمت فرماکر ما جور ہو فقط
﷽
الجواب حامداًو مصلیاً
1: مذکورہ رقم کے بارے میں اصل حکم یہ ہے کہ یہ رقم اصل مالک کو واپس کر دی جائے لیکن عام طور پر اصل مالک معلوم نہیں ہوتا،اس لیے یہ رقم ثواب کی نیت کے بغیر اصل مالک یا اصل مالکوں کی طرف سے صدقہ کرناضروری ہے اور احتیاط اسی میں ہے ،تاہم اس سلسلہ میں اکابر علماء کی دو رائے ہیں:
1: حرام مال کے مصارف وہی ہیں جو زکاۃ اور دیگر صدقات واجبہ کے ہیں،جن کا ذکر قرآن میں ہے،اور اس میں تملیک (کسی کو مالک بنانا )بھی شرط ہےیعنی کسی فقیر و مسکین کو باقاعدہ مالک و قابض بنا کر دینا ضروری ہےکسی رفاہی کام میں لگانا جائز نہیں ۔
2: حرام مال لقطہ کے حکم میں ہے اور لقطہ کے مصارف وہی ہیں جو صدقات نافلہ کے ہیں(رفاہی کاموں مثلاً مساجد،مدارس وغیرہ میں لگاناجائز نہیں )۔
پہلے قول میں احتیاط ہے اور دوسرے قول میں توسیع(گنجائش ) ہے البتہ احترام مسجد کے پیش نظر یہ رقم مسجد میں بحرحال نہ لگائی جائے کیونکہ یہ رقم نا جائز عقد کے ذریعہ حاصل ہوئی ہے۔
(ماخذہ،فرتاویٰ عثمانی:3/129تا140،و التسبویب:1734/58 تبصرف) مرقاۃ المفاتیح شرح مشکاۃ المصابیح ـ (9/241)
و عن ابی ھریرۃرضی اللہ عنہ قال رسول اللہﷺ ان اللہ طیب ای منزہ عن القنائص و العیوب و متصف بالکلمات من النعوت لا یقبل ای من الصدقات و نحوھا من الاعمال الا طیبا ای منزھا عن العیوب الشرعیۃ و الاعراض الفاسدۃ فی النیۃ۔
و فی حاشیۃ ابن عابدین(رد المختار) ـ (1/958)
قال تاج الشرعیۃ:اما لو انفق فی ذلک مالا خبیثا و الطیب فیکرہ لان اللہ تعالی لایقبل الا الطیب،فیکرہ تلویث بیتہ بما لا یقبلہ۔
حاشیۃ ابن عابدین(رد المختار) ـ (5/99)
و الحاصل انہ ان علم ارباب الاموال وجب ردہ علیھم،و الا فان علم عین الحرام لا یحل لہ و یتصدق بہ بنیۃ صاحبہ
الفتاوی الھندیۃ(3/212)
فانہ یتصدق بذلک الفضل فی قول ابی حنیفۃ و ابی یوسف رحمھما اللہ تعالی و انما فقیرا لانہ یکتسبہ بمعصیۃ و یطیب للمساکین و ھو اطیب لھم من اللقطۃ
2: جب تک حلال مال موجود ہو اس طرح کا مال استعمال کرنا ہر گز جائز نہیں البتہ اگر حلال مال بالکل بھی موجود نہ ہو اور زید کے پاس خرچ کرنے کے لیے اور کوئی مال بھی نہ ہو تو اس کے لیے مستحق زکاۃ ہونے کے بناء پر یہ حرام رقم بطور صدقہ اپنے استعمال میں لانے کی گنجائش ہے البتہ سودی لین دین ناجائز اور سخت حرام ہے ا س لیے اس پر لازم ہے کہ وہ سودی بینک سے لین دین کے معاملات یعنی سودی اکاؤنٹ بالکل ختم کرے اور اب تک جو گناہ ہوا ہے اسی پر صدق دل سے توبہ کرنا بھی ضروری ہے اور رقم کی حفاظت کے لیے ایسے غیر سودی بینک جو مستند علماء کرام کے زیر نگرانی شرعی اصولوں کے مطابق کام کر رہے ہیں ان میں اکاؤنٹ کھلو ا سکتا ہے لیکن اگر اس کے پاس خرچہ کے لیے رقم ہو اور اس کو یہ رقم استعمال کرنے کی شدید حاجت ہو تو پھر اس شرط کے ساتھ استعمال کرنے کی اجازت ہے کہ جب بعد میں حلال مال میسر آجائے تو اتنی رقم صدقہ کردے اور اگر زید کی بیوی یا اس کے بچے مستحق زکاۃ ہوں تو ان پر صدقہ کرنا بھی جائز ہے۔(ماخذ،امداد المفتین:2/386تبصرف)
فقہ البیوع،2/1040
و ذکر صاحب “الاختیار فی شرح المختار” انہ و ان وجب التصدق بالفضل و لکن ان احتاج الیہ،بان لم یکن فی ملکہ ما یسد بہ حاجۃ نفقتہ و نفقۃ عیالہ،فصرفہ فی حاجتہ بنیۃ انہ یتصدق بمثلہ فیما بعد جاز لہ ذلک،قال رحمہ اللہ تعالی بعد بیان مذھب ابی حنیفۃ و محمد رحمھما اللہ تعالی فی وجوب التصدق بالفضل:”و لھما انہ حصل بسبب خبیث و ھو التصرف فی ملک الغیر و الفرع یحصل علی صفۃ الاصل و الملک الخبیث سبیلہ التصدق بہ،و لو صرفہ فی حاجۃ نفسہ جاز،ثم ان کان غنیاً،فتصدق بمثلہ،و ان کان فقیرا لا یصدق “و لکن مقید بما اذا لم یکن عندہ مال آخر لدفع حاجتہ۔قال صاحب الھدایۃ”:الا اذا کان لا یجد غیرہ،لانہ محتاج الیہ و لہ ان یصرفہ الی حاجۃ نفسہ فلو اصاب مالاً،تصدق بمثلہ ان کان غنیاً وقت الاستعمال،و ان کان فقیرا فلا شیء علیہ۔۔۔۔۔۔۔۔۔۔۔۔۔۔۔۔
3: سودی لین دین ناجائز اور سخت حرام ہے ،اس پر قرآن و حدیث میں بہت سخت وعیدیں وارد ہوئی ہیں ،ایک حدیث میں سود کھانے والے اور کھلانے والے پر رسول اللہ ﷺ نے لعنت بھیجی ہے ،اس لیے موجودہ حالات میں عمر کے لیے سودی قرض لینا کسی بھی صورت میں جائز نہیں ہے،اس
کے ذمہ لازم ہے کہ وہ صر ف حلال ذرائع سے مال حاصل کرنے کی کوشش کرے۔
(ماخذ، امداد الفتاوی،ج:3،ص:147،بتصرف و التسبویب:1584/5)
[البقرۃ:275]
{ اَحَلَّ اللہُ الْبَیْعَ وَ حَرَّمَ الرِّبَاوَ}
[البقرۃ:278]
{یَا اَیُّھَا الَّذِیْنَ آمَنُوا اتَّقُوا اللہَ وَ ذَرُوْا مَا بَقِیَ مِنَ الرِّبَا اِنْ کُنْتُمْ مُّؤْمِنِیْنَ}
[آل عمران:130]
{یَا اَیُّھَا الَّذِیْنَ آمَنُوْا لَا تَاْکُلُوا الرِّبَا اَضْعَافًا مُضَاعَفَۃً وَ اتَّقُوا اللہَ لَعَلَّکُمْ تُفْلِحُوْنَ }
صحیح البخاری ـ نسخۃ طوق النجاۃ(ص:360)
حدثنا محمد بن المثنی قال حدثنی غندر حدثنا شعبۃ عن عون بن ابی جحیفۃ عن ابیہ انہ اشتری غلاما حجاما فقال ان النبی؟نھی عن
الدم و ثمن الکلب و کسب البغی و لعن آکل الربا و موکلہ و الواشمۃ و المستوشمۃ و المصور
الجواب صحیح
و اللہ سبحانہ تعالی اعلم
مفتی دارالافتاء جامعہ دارالعلوم کراچی
محمد علی قر غیزی عفی عنہ
16/ربیع الثانی/1437ھ
دارا لافتاء جامعہ دارا لعلوم کراچی
16/ربیع الثانی/1437ھ
27/01/2016ء الجوا ب صحیح
محمد طاہر غفرلہ
17/4/1437ھ
پی ڈی ایف میں فتویٰ حاصل کرنے کے لیے لنک پر کلک کریں :
https://www.facebook.com/groups/497276240641626/548343118868271/
