سوال:السلام علیکم ورحمتہ اللہ وبرکاتہ۔
کیا حضور ﷺ کے لیے آقا کا استعمال کرسکتے ہیں؟
جواب:
وعلیکم السلام ورحمۃ اللہ!
آقا دراصل فارسی زبان کا لفظ ہے جو درج ذیل تمام معانی میں استعمال ہوتا ہے: ”مالک،خداوند،صاحب،شوہر،افسر،حاکم“ نیز اردو زبان میں آقا کا لفظ عربی لفظ”سید“ کے معنیٰ ادا کرتا ہے۔لہذا اس کا استعمال آپﷺ کے لیے کرنا درست ہے،البتہ معانی کے اعتبار سے ہر کس و ناکس کے لیے بھی آقا لفظ استعمال نہیں کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(۱)(فارسی۔اسم۔مذکر)مالک،خداوند،صاحب،خاوند،شوہر،حاکم،افسر،جمع آقایان(فیروز اللغات:۲۵،فیروز سنز،کراچی)
)۲)(فارسی)مالک،خداوند،حاکم ،سرکار۔ملازم اپنے آقا کو کہتے ہیں(نوراللغات :۸۴،حلقۂ اشاعت۔لکھنؤ)
(فرہنگ آصفیہ میں امیر،سردار اور ان داتا کے معانی کا اضافہ ہے:ص:۱۰۱)
فقط واللہ اعلم