منہا یا منحا نام کے معنی اور مائرہ کے بھی معنیٰ بتادیں اور یہ نام رکھنا کیسا ہے؟
الجواب باسم ملهم الصواب
منہا ( میم کے زیر کے ساتھ ) اردو میں اس کے معنی ہیں : تفریق، گھٹانا، کم کرنا۔یہ نام رکھنا درست نہیں۔
” منحا” نام کا درست تلفظ ’’منحہ‘‘(مِنْحَه) ہے، اور مِنحہ‘‘ کے معنی گفٹ، تحفہ کے ہیں۔ لہذا ’’منہا‘‘ یا “منحا”نام رکھنے کے بجائے ’’منحہ‘‘ نام رکھ لیا جائے۔
“مائرہ“ کہتے ہیں کم سمجھ عورت کو، نیز مادے کی روشنی میں دیگر معانی بھی بن سکتے ہیں؛ لیکن وہ معانی بھی نام کے لیے موزوں نہیں ہیں۔
البتہ ”ماہرہ“لفظ جو ماہر کا مؤنث ہے،جس کا معنی مہارت رکھنے والی ، تجربہ کار،ہوشیار عورت کے آتے ہیں ،اس معنی کے اعتبار سے یہ نام رکھنا درست ہے ،تاہم صحابیات رضی اللہ عنہن کے ناموں میں سے کوئی نام رکھنازیادہ بہتر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات:
1۔ ”المنحة: العطية“۔
المعجم الوسيط ( ۲ / ۸۸۸، دار الدعوة)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
2۔”مهر الشئ وفيه وبه ،مهارة:کسی کام میں ماہر اور ہوشیار ہونا۔مهر في العلم و الصناعة وغيره: علم اور ہنر وغیرہ میں ماہر ہونا۔“
قاموس الوحید(مادہ:مہر،1588/2،ط:ادارۂ اسلامیات لاہور)
۔۔۔۔۔۔۔۔۔۔۔۔۔۔۔۔۔۔۔۔
3۔المائر۔ فا۔ کم سمجھ ۔ سھم مائر۔ گھس جانے والا ہلکا تیر۔ مونث مائرہ۔
(مصباح الغات ص805)
۔۔۔۔۔۔۔۔۔۔۔۔۔۔۔۔۔۔۔
4۔”ماہر:کاملِ فن ،زیرک ،تیز فہم ،2: واقف کار،تجربہ کار۔“
فیروز الغات (مادہ میم ،الف ،1191،ط: فیروز سنز
۔۔۔۔۔۔۔۔۔۔۔۔۔۔۔۔۔۔
والله تعالى أعلم بالصواب
29 ذوالحجہ 1444ھ
18 جولائی 2023ء
