سوال: محترم جناب مفتیان کرام! السلام علیکم و رحمۃ الله و بركاته!
ہمارے گاؤں میں تالاب کے قریب قبرستان ہےقبر کھودنے کے بعد مسلسل پانی جاری رہتا ہے ویسے ہی حالات میں پلاسٹک میں میت کو دفناتے ہیں بہت سے لوگ کہتے ہیں قبر میں پانی آنے سےعذاب ہوتا ہے کیا یہ صحیح ہے کہ قبر میں پانی آنے سے عذاب ہوتا ہے؟
الجواب باسم ملھم بالصواب
وعلیکم السلام و رحمۃ الله و بركاته!
واضح رہے کہ عذاب اور ثواب کا تعلق انسان کے اعمال سے ہے۔ قبر میں پانی کے آجانے سے عذاب کا کوئی تعلق نہیں۔ لہذا قبرمیں پانی کے آجانے کو عذاب کی علامت نہ سمجھاجائے۔ تاہم بہتر یہ ہے کہ میت کو ایسی جگہ دفنایا جائے، جہاں قبر میں پانی نہ آتا ہو یا اُسی قبرستان میں ایسی صورت اختیار کرلی جائے کہ جس سے پانی آنا بند ہو جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات:
1-قرآن کریم میں ہے:{اَلَّا تَزِرُ وَازِرَۃٌ وِّزْرَ اُخْرٰی وَاَنْ لَّیْسَ لِلْاِنْسَانِ اِلَّا مَا سَعٰی۔}(سورۃ النجم :38-39)
ترجمہ: یہ کہ کوئی انسان دوسرے کا بوجھ نہیں اٹھائے گا اور یہ کہ کسی انسان کو سوائے اس کی محنت کے کچھ اور نہیں ملے گا۔
فقط
واللہ اعلم بالصواب
19 جمادی الثانی 1444ھ
12جنوری 2023
