سوال :اذان سے پہلے درود وسلام پڑھنے کا شرعی حکم کیا ہے ؟
الجواب باسم ملھںم بالصواب
بلاشبہ درود شریف پڑھنا باعث برکت ہے۔لیکن اذان سے پہلے جس طرح اجتماعی ہیئت میں بلند آواز سے صلوۃ وسلام پڑھنے کا رواج ہو گیا ہے اور جس طرح اذان کا لازمی جز سمجھا جانے لگاہے،اس کا کوئی بھی ثبوت قرآن وسنت یا صحابہ و تابعین کے عہد مبارک میں نہیں ملتا اور جن روایات میں اذان کے الفاظ منقول ہیں،ان میں بھی اس کا تذکرہ نہیں،نیز حضور صلی اللہ علیہ وسلم کے دور میں جو مؤذنین تھے یعنی حضرت بلال اور عبداللہ ابن مکتوم رضی اللہ عنہم ان کی اذانوں میں بھی اذان سے پہلے درود شریف کا تذکرہ نہیں ملتا،اس بنا یہ دین میں اپنی طرف سے زیادتی ہے،جو بدعت کہلاتی ہے،لہذا اس سے اجتناب لازم ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1)ولا تجھر بصلاتک ولا تخافت بھا وابتغ بین ذلک سبیلا (سورۃ بنی اسرائیل آیت نمبر ۱۱۰ )
ترجمہ :اور مت آواز بلند کریں اپنی نماز کے ساتھ اور نہ بہت آہستہ کریں آواز اس کے ساتھ بلکہ ان کے درمیان کا راستہ اختیار کریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
2)وقد صح عن ابن مسعود انہ سمع قومااجتمعوفی مسجد یھللون ویصلون علیہ،علیہ الصلوۃ و السلام جھرا فراح الیھم فقال:ماعھدنا ذلک علی عھدہ علیہ الصلوۃ والسلام وما اراکم الا مبتدعین ،فما زال یذکر ذلک حتی اخرجھم عن المسجد (شرح مشکوۃ ج ۲ ص۳۵۷)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
3)ویسن الاسرار فی سائر الاذکار ایضا الا فی التلبیۃ (الدر المختار ج1ص۵۲۳)
۔۔۔۔۔۔۔۔۔۔۔۔۔۔۔۔۔۔۔۔۔۔
4)من صلی علی النبی صلی اللہ علیہ وسلم قبل الاذان او قال :محمد رسول اللہ بعدہ معتقدا سنیتہ فی ذلک المحل ینھی ویمنع منہ،لانہ تشریع بغیر دلیل ومن شر ع بغیر دلیل یزجر ویمنع انتھی (فتاوی الکبری ج۱ص ۱۳۰)
واللہ اعلم بالصواب
شمسی06.01.2022
قمری 3جمادی الثانی1443
