سوال: آن لائن کلاسز میں طالبات کو کہا جاتا ہے کہ معلمہ کی آواز کے پردے کا خیال رکھیں۔ لیکن اگر دوسری طرف خیال نہ رکھا جائے تو ہمارا اتنا تنبیہ کردینا کافی ہے کہ آواز کے پردے کا خیال رکھیں؟ یا ان سے بار بار کنفرم کیا جائے کہ آپ پردے کا خیال رکھ رہی ہیں یا نہیں؟
الجواب باسم ملہم الصواب
صحیح قول کے مطابق عورت کی آواز ستر میں داخل نہیں ہے، لیکن بلا ضرورت عورت کا اپنی آواز مردوں تک پہنچانا بھی شرعاً درست نہیں،
لہذا صورت مسؤولہ میں معلمہ کا طالبات سے ان کی آواز کے پردے کا تقاضا کرنا درست ہے تاہم بار بار اس کی تاکید کرنے کی ضرورت نہیں البتہ جب انہیں احساس ہو کہ ان کی آواز کے پردے کا خیال نہیں رکھا جا رہا تو پھر دوبارہ تاکید کر دیں۔
تنبیہہ کے بعد بھی طالبات اگر معلمہ کے آواز کے پردے کا خیال نہ رکھیں تو ان شاءاللہ معلمہ پہ اس کا گناہ نہیں ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات :
1.عَنْ أَبِي مُوسَى قَالَ مَا أَشْكَلَ عَلَيْنَا أَصْحَابَ رَسُولِ اللَّهِ صَلَّى اللَّهُ عَلَيْهِ وَسَلَّمَ حَدِيثٌ قَطُّ فَسَأَلْنَا عَائِشَةَ إِلَّا وَجَدْنَا عِنْدَهَا مِنْهُ عِلْمًا .
(جامع ترمذی: 3883)
ابوموسیٰ اشعری ؓ کہتے ہیں کہ ہم اصحاب رسول اللہ ﷺ پر جب بھی کوئی حدیث مشکل ہوتی اور ہم نے اس کے بارے میں عائشہ ؓ سے پوچھا تو ہمیں ان کے پاس اس کے بارے میں کوئی علم ضرور ملا.
———————————————-
1.نغمۃ المرأۃ عورۃ … ذکر الإمام أبو العباس القرطبي في کتابہ في السماع: ولا یظن من لا فطنۃ عندہ أنا إذا قلنا صوت المرأۃ عورۃ، أنا نرید بذٰلک کلامہا؛ لأن ذٰلک لیس بصحیح، فإنا نجیز الکلام مع النساء للأجانب ومحاورتہن عند الحاجۃ إلی ذٰلک، ولا نجیز لہن رفع أصواتہن ولا تمطیطہا ولا تلیینہا وتقطیعہا، لما في ذٰلک من استمالۃ الرجال إلیہن وتحریک الشہوات منہم، ومن ہٰذا لم یجز أن تؤذن المرأۃ، قلت: ویشیر إلی تعبیر النوازل بالنغمۃ۔
(فتاوی شامیہ:جلد 1، صفحہ 406)
2.وَيَرْفَعُ صَوْتَهُ بِالْأَذَانِ وَالْمَرْأَةُ مَمْنُوعَةٌ مِنْ ذَلِكَ لِخَوْفِ الْفِتْنَةِ، فَإِنْ صَلَّيْنَ بِأَذَانٍ وَإِقَامَةٍ جَازَتْ صَلَاتُهُنَّ مَعَ الْإِسَاءَةِ لِمُخَالَفَةِ السُّنَّةِ وَالتَّعَرُّضِ لِلْفِتْنَةِ.
(المبسوط للسرخسي: جلد 1، صفحہ 133)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واللہ اعلم بالصواب
19دسمبر 2022
25جمادی الاولی 1444
