کیا رجب کا پہلا جمعہ لیلة الرغائب کہلانے اور اس رات حضور علیہ السلام بی بی آمنہ کے حمل میں ٹہرنے والی بات درست ہے؟
الجواب باسم ملھم الصواب
عوام میں صلاة الرغائب کے نام سے جو نماز مشہور ہے وہ بدعت ہے اور اس بارے میں جو احادیث ذکر کی جاتی ہیں وہ یا تو بالکل ضعیف ہیں یا من گھڑت ہیں۔ علماءِ کرام نے اپنی تصانیف میں اس کی بہت تردید کی ہے،حافظ ابن حجر عسقلانی رحمہ اللہ نے ”تبیین العجب بما ورد في فضل رجب“کے نام سے اس موضوع پر مستقل کتاب لکھی ہے،جس میں انہوں نے رجب سے متعلق پائی جانے والی تمام ضعیف اور موضوع روایات پر محدثانہ کلام کرتے ہوئے سب کو باطل کردیا ہے۔
رہی یہ بات کہ ”اس رات نبی کریم صلی اللہ علیہ وسلم کا بی بی آمنہ سے حمل ٹھہرنا“ تو یہ بے اصل ہے۔ باوجود تلاش کے کسی مستند کتاب میں یہ نہ مل سکی۔
۔۔۔۔۔۔۔۔۔۔۔۔۔۔۔۔۔۔۔۔۔
1۔ويكره الاجتماع على إحياء ليلة من هذه الليالي في المساجد قال في الحاوي القدسي ولا يصلى تطوع بجماعة غير التراويح وما روي من الصلوات في الأوقات الشريفة كليلة القدر وليلة النصف من شعبان وليلتي العيد وعرفة والجمعة وغيرها تصلى فرادى انتهى ومن هنا يعلم كراهة الاجتماع على صلاة الرغائب التي تفعل في رجب
(كتاب البحر الرائق شرح كنز الدقائق ومنحة الخالق وتكملة الطوري – الصلاة المسنونة كل يوم 2 /56)
۔۔۔۔۔۔۔۔۔۔۔۔۔۔۔۔۔
2۔فقال صلى الله عليه وسلم: ۔۔۔۔۔۔۔۔ولكن لا تغفلوا عن أول ليلة جمعة في رجب فإنها ليلة تسمعيها الملائكة اللرغائب، ۔۔۔۔۔۔۔۔
قال المصنف ولفظ حدیث لمحمد بن ناصر ، ھذا حديث موضوع علي رسول الله صلى الله عليه وسلم وقد اتهموا به ابن جهضمم فنسبوه الي الكذب
(”تبيين العجائب بما ورد في فضل رجب “ لأبن حجر عسقلانيص: 105)
۔۔۔۔۔۔۔۔۔۔۔۔۔۔۔
3۔یہ نمازیں بایں قیود جو مروج ہیں، بدعت ضلالہ ہیں جس کا ماَل گناہ کبیرہ کا ہے۔
(فتاوی رشیدیہ 1/ 258)
۔۔۔۔۔۔۔۔۔۔۔۔۔۔۔۔۔۔
4۔حضرت مولانا مفتی محمود حسن گنگوہی رحمہ اللہ فرماتے ہیں:
”ماہ رجب میں تاریخِ مذکورہ میں روزہ رکھنے کی فضیلت پر بعض روایات وار دہوئی ہیں، لیکن وہ روایات محدثین کے نزدیک درجہ صحت کو نہیں پہنچیں۔ شیخ عبدالحق محدث دہلوی رحمہ اللہ نے ”ماثبت بالسنتہ“ میں ذکر کیا ہے۔ بعض بہت ضیعف ہیں اور بعض موضوع (من گھڑت) ہیں۔“
(فتاوٰی محمودیہ، 3/281)
۔۔۔۔۔۔۔۔۔۔۔۔۔۔۔۔۔۔۔۔۔
والله تعالى أعلم بالصواب
8 رجب 1444ھ
31 جنوری 2023ء
