آپ سے ایک مسئلہ پوچھنا تھا وہ یہ کہ پھلے ہفتے سے کورونا وائرس کی وجہ سے نیوزی لینڈ میں لاک ڈاؤن لگا ہوا ہے ۔پچھلے جمعہ کو ہمارے بعض مسلمان پاکستانی دوستوں نے یہ تجویز پیش کی کہ نماز جمعہ زوم پہ جو اسکائپ کی طرح کا ایک ویڈیو کالنگ سافٹ ویئر ہوتا ہے ،پڑھی جائے اس طرح سے کہ سب لوگ اپنے اپنے گھروں میں زوم میں کانفرنس کال میں شرکت کر لیں امام اپنے گھر سے زوم پر خطبہ پڑھے اور پھر امامت کرے اور لوگ اپنے اپنے گھروں سے زوم پر اسکی اقتداء کرے احقر کے علم میں نہیں تھا کہ اس طرح سے نماز جمعہ ہو سکتی ہے یا نہیں اس لیے خیال ہوا کہ آپ سے پوچھ لوں ۔والسلام۔
احقر عبداللہ
نیوزی لینڈ
﷽
الجواب حامد او مصلیا
مقتدیوں کے لیے امام کی اقتداء درست ہونے کی شرائط میں سے ایک شرت یہ ہے کہ امام اور مقتدی دونوں مکان واحدایک جگہ میں موجود ہوں اگر امام اور مقتدی الگ الگ جگہ میں ہونگے تو اقتداء درست نہیں ہونگی اور نماز نہیں ہو گی اگرچہ مقتدیوں کو کانفرنس کال کے زریعے امام کی اقتداء کریں تو چونکہ امام اور مقتدی الگ الگ جگہ پر ہیں اس لیے مقتدیوں کی اقتداء درست نہیں ہو گی اور نماز نہیں ہو گی اس لیے زوم پہ کانفرنس کال کے زریعے جمعہ یا عام فرض نمازوں میں امام کی اقتداء کرنے سے اجتناب کرنا ضروری ہے ۔
فی الدر المختار :(1550)
شروط عشرت:نیۃ المؤتم الاقتداء و اتحاد مکانھما وصلاتھما۔
وفی رد المختار (1550)
قولہ واتحاد مکانھما فلو اقتدی راجل براکب او بالعکس او راکب براکب دابۃاخری
لم یصح لاختلاف المکان ——————واللہ اعلم بالصواب
الجواب صحیح
ابراہیم عیسی
مفتی جامعہ دارالعلوم کراچی 6 شعبان المعظم 1441ھ
پی ڈی ایف فائل سےفتویٰ ڈاؤنلوڈ کریں:۔
