زوال سے پہلے رمی کرنا

سوال: مفتی صاحب ہمارے گروپ کے سربراہ کے کہنے پر ہم نے 12ذی الحجہ کی رمی زوال سے پہلے کرلی۔ کیاہمارا یہ عمل درست ہوا؟

الجواب باسم ملہم الصواب
واضح رہے کہ 12 ذی الحجہ کو رمی کاوقت زوال سے شروع ہوتا ہے اس سےپہلے رمی کرنے سے رمی درست نہیں ہوتی۔
لہذا اگرآپ نے اس دن زوال سے پہلے رمی کر لی تو آپ کی رمی درست نہیں ہوئی اور اگر ایام تشریق میں اس رمی کا اعادہ نہیں کیا تو اب ایک دم لازم ہوگیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات :

1.وأما وقت الرمي في اليوم الثاني والثالث فهو ما بعد الزوال إلى طلوع الشمس من الغد حتى لا يجوز الرمي فيهما قبل الزوال إلا أن ما بعد الزوال إلى غروب الشمس وقت مسنون وما بعد الغروب إلى طلوع الفجر وقت مكروه هكذا روي في ظاهر الرواية.
(فتاوی الھندیہ: ج 6، ص 70)
————————————
1.بارہویں کی رمی کامسنون وقت زوال سے غروب تک ہے اور غروب سے لے کر صبح صادق تک وقت مکروہ ہے۔۔۔۔اور زوال سےپہلے اس دن کی رمی بھی درست نہیں ہے۔
(تسہیل بہشتی زیور: ج 1،ص491)

2.گیارہویں بارہویں کو رمی کا وقت زوال کے وقت سےشروع ہوتا ہے اس سے پہلے رمی جائز نہیں اور زوال سے غروب آفتاب تک مسنون ہے اور غروب سے صبح صادق تک وقت مکروہ ہے۔۔۔۔۔۔۔۔۔۔۔ اگر کسی روز کی رمی اس کے وقت معین میں نہ ہوسکی تو تو قضا واجب ہوگی اور دم بھی واجب ہوگا۔
(معلم الحجاج: ص 180)
—————————————-
واللہ اعلم بالصواب
4جولائی 2023
16ذی الحج 1444