کیا طلاق کا خیال آنےسے طلاق واقع ہوجاتی ہے؟

دارالعلوم کراچی فتویٰ نمبر:116

ایک شخص کو طلاق دینے کے بار بار خیالات آتے ہیں اور کبھی کبھی طلاق کا لفظ نکل جاتا ہے لیکن کبھی صرف ہونٹ حرکت کرتے ہیں اور کبھی معمولی پھوسپھوساہٹ یعنی ہلکی سی آواز جو صاف نہیں ہوتی نیز واضح ہو کہ ایک معتبر عامل صاحب سے جانچ کرانے پر انہوں نے بتایا کہ اس پر جادو ہے یا کوئی عمل کرایا ہوا ہے ۔اب دریافت طلب یہ ہے کہ مذکورہ صورت میں اس شخص کی طلاق واقع ہوگئی یا نہیں؟ اور اگر یہ شخص بے اختیار خیالات اور جادو یا عمل کی وجہ سے صاف صاف طلاق کا تلفظ کر دے تو کیا حکم ہے؟

نوٹ:  ہمارے یہاں آج کل عداوت اور حسد کی وجہ سے اس طرح کے ناپاک عملیات کروانا عام ہو گیا ہے-

﷽

الجواب حامداً و مصلیا

1:واضح رہے کہ محض طلاق کے خیالات آنے سے طلاق نہیں ہوتی ،اسی طرح انہی خیالات کے دوران اگر ہونٹ حرکت کریں ،یا کوئی معمولی سرسراہٹ محسوس ہو یا اس کی زبان سے طلاق کا لفظ اتنی ہلکی آواز میں نکل جائے کہ بولنے والا خود بھی نہ سن سکے تو ان صورتوں میں بھی طلاق واقع نہیں ہوگی (ماخذہ فتاوی عثمانی بتصرف)

سنن ابی داؤد (2/232)

حدثنا مسلم بن ابراھیم حدثنا ھشام عن قتادہ عن زرارۃ بن اوفی عن ابی ھریرۃ عن النبیﷺ قال: “ان اللہ تجاوز لامتی عما بہ او تعمل بہ و بما حدثت بہ انفسھا”

الموسوعۃ الفقھیۃ الکویتیۃ (23/128)

و لو حدث نفسہ انہ یطلق زوجتہ او ینذر اللہ تعالی شیئا و لم ینطق بذلک،لم یقع طلاقۃ و لم یصح نذرہ (2)؛لقول النبیﷺ :ان اللہ تجاوز لامتی عما وسوست ـ او حدثت ـ بہ انفسھا ما لم تعمل بہ او تکلم

و قال قتادۃ بعد ان روی الحدیث: اذا طلق فی نفسہ فلیس بشیء

و قال عقبۃ بن عامر:لا یجوز طلاق الموسوس

و علق ابن حجر علی ھذا القول شارحا لہ:ای لا یقع طلاقۃ؛لان الوسوسۃ حدیث النفس،و لا مؤاخذہ بما یقع فی النفس

2:  شخص مذکور پر جادو ہونے کے باوجود اگر اس کے حوش و حواس برقرار ہوں اور اس کے منہ کے سے نکلنے والے طلاق کے الفاظ کے بارے میں اس کو علم ہو اور اپنے قصد و ارادہ سے صاف صاف طلاق کے الفاظ کہہ دے تو ایسی صورت میں طلاق واقع ہو جائے گی

(ماخذہ التبویب 1503/36 و فتاوی محمودیہ بتصریف ج12 ص 250)

  (و اللہ تعالی اعلم )                                                                                                                                                        

صدیق اللہ غفر لہ ولوالدیہ                                                                                                                                              

دارالافتاءجامعہ دارالعلوم کراچی                                                                                                                                          

11/رجب المرجب/1438ھ                                                                                                                               

9/اپریل/2017ء                                                                                                                                                         

الجواب صحیح                                                                                                                                                               

محمد طاہر غفرلہ                                                                                                                                                                 

9/7/1438ھ                                                                                                                                                                

عربی حوالہ جات اور مکمل فتویٰ پی ڈی ایف فائل میں حاصل کرنے کے لیے دیے گئے لنک پر کلک کریں :

https://www.facebook.com/groups/497276240641626/547444655624784/