مسئلہ ” اسبال الازار “
ا رسال کردہ تحقیق برائے کراہت تنزیہی وکراہت تحریمی ” اسبال ازار ” موصول ہوا،کافی مشاغل کی وجہ سے رائے تحریر کرنے کی فرصت نہیں ملی ۔ میسج کی یاد دہانی سے مختصر جواب تحریر خدمت ہے ۔
اسبالا زار ، جہاں تک میری ناقص تحقیق ہے ،و ہ یہ ہے کہ دراصل اسبال فخرا ور تکبر کی وجہ سے حرام ہے اگر فخر اور تکبر نہ ہو تو مکروہ تنزیہی ہے لیکن چونکہ تکبر اور فخر امور باطنیہ میں سے ہیں اور ا”اسبال ازار ” ایک ظاہری دلیل ہے ۔ جبکہ فقہ کا مشہور قاعدہ ہے ملاحظہ کیجیے
دلیل الشی فی الامور الباطنۃ یقوم مقامہ ۔۔۔۔المادۃ 68 مجلۃ الاحکام العدلیہ
ظاہری دلیل کو باطن کا قائم مقام ٹہرا کر حکم لگایاجائے گا ۔ جیسا کہ دوران سفر قصر کی علت مشقت ہے لیکن ایک امر باطن ہے تو ظاہری دلیل یعنی سفر کو باطن کا قائم مقام کرکے قصر کا حکم عائد کیاجاتا ہے چاہے حقیقت میں مشقت ہویانہ ہو ۔ا سی طرح تکبر باطن امر ہےا سبال ازار ظاہری دلیل ہے جب ” اسبال ازار ” ہوگیا توحکم باطن یعنی تکبر پر لگاکر حرام قرار دیاجائے گا چاہے حقیقت میں تکبر ہویانہ ہو۔
میری اس تحقیق سے نہ مطلق کو مقید کرنا لازم آئےگا اور نہ کوئی پیچیدگی ہوگی ۔ اور دونوں گروہ کے مابین محاکمہ ہوگا ۔
فقط والسلام ( مفتی ) گل حسن عفی عنہ دارالعلوم رحیمیہ نیلا گنبد سر کی روڈ کوئٹہ
