کیا فرماتے ہیں مفتیان کرام اس مسئلہ کے بارے میں:
ایک لاکھ روپےکا چیک جو مستقبل کی تاریخ میں کیش ہوگا اس کو وصول کرنا اور فوری طورپراس چیک کے حامل کو چھانوے ہزار ادا کرنے کا کیا حکم ہے ؟
سائل :اظہر خالد
﷽
الجواب حامدا ومصلیا
سوال میں ذکر کردہ صورت کی شرعی تکییف دوطرح ہوسکتی ہے:اگرچیک حامل کااپنا ذاتی ہےاور آئندہ تاریخ میں کیش ہوگاتونقد لی گئی رقم (96000)قرض ہے اورمستقبل میں قرض کی ادائیگی کے لیےیہ (100000کا)چیک دیاگیا ہے ،جوکہ قرض پر اضافی رقم لینے کی بناء پر سود ہے ،اس لیے مذکورہ صورت نا جائز ہے۔اور اگروہ چیک حامل کے علاوہ کسی اور کاہےتووہ بیع الدین من غیر من علیہ الدین ہےاور یہ بھی ناجائز ہے۔
کمافی القرآن الکریم:
(وأحل الله البيع وحرم الربا)(بقرہ 275)
وایضا:
(ياأيها الذين آمنوا اتقوا الله وذروا ما بقي من الربا إن كنتم مؤمنين (بقرہ 278)
مسند الحارث = بغية الباحث عن زوائد مسند الحارث (1/ 500)
قال رسول الله صلى الله عليه وسلم: «كل قرض جر منفعة فهو ربا»
الدر المختار وحاشية ابن عابدين (رد المحتار) (5/ 166)
(قوله كل قرض جر نفعا حرام) أي إذا كان مشروطا كما علم مما نقله عن البحر، وعن الخلاصة وفي الذخيرة وإن لم يكن النفع مشروطا في القرض، فعلى قول الكرخي لا بأس به۔…….
واللہ سبحانہ وتعالی اعلم
محمد رفیق غفرلہ ولوالدیہ
نور محمد ریسرچ سینٹر
دھوراجی کراچی
19ربیع الثانی 1441
17 دسمبر 2019
